Les mots surlignés font l'objet d'une note
1Monsegneur, apprès le despartement de la compagnie du cappitaine
2Thomassin, il nest demeuré dans Grenoble pour la garde dicelluy que voz
3cinquante Suisses, lesquelz ne sont en nombre souffisant pour
4faire corps de garde ailleurs que en la place de Bane de mal conseil
5ne pouvans estre emploiés aux gardes des portes de la ville,
6ayant esgard au petit nombre et aussi que dallieurs ilz sont
7charge ; laquelle, avec le temps, leur pourront estre in supotable
9silz nestoient aulcunement soulaigés. A cause de quoy et veoiant
10que ce temps de vendenges est plus commode à ceulx qui vouldroient
11entreprendre sur le service du roy et liberté de la ville pour laffluence
12des estrangiers qui y abordent, à cause desdites vendenges que absence
13des citoiens qui, audit temps, se retirent en leurs celiers pour
14loccasion susdite avons proposé en reservant tousiours sur le tout
15votre bon voloir et plaisir, de mectre le jour en chacune des portes
16de la ville deux ou troys des notables de la ville, avec leurs seules
17espées pour soy prendre garde à ceulx qui entrent et sortent, actendu
18mesmement quil y a encores rumeur et contagion de peste en la ville de
19Genève et quelque aultre lieux de la Savoye, ce que, monseigneur,
20navons volu metre en execution sans au prealable avoir votre permission
21et entendre ce quil vous plaist que nous faisions en cest endroit pour lasseurance
22de ladite ville, tant de jour que de nuict, pour vous obeir en cela et en
23toutes aultres choses quil vous plaira nous commander et daussi bon cueur
24que, apprès vous avoir presentés noz humbles recommandations, nous prions
25Dieu
26Monsegneur, vous voloir donner en toute prosperité, longue et heureuse vye.
27De Grenoble, ce huictième de septembre 1571
28Voz humbles et obeissans serviteurs
29Les consulz de la ville de Grenoble
30Chanys